Vígroði
Forlagsverð:
3.290 kr.
Kaupa
AÐRAR ÚTGÁFUR
2990 kr.
264 bls.
Mál og menning
Útgáfuár: 2012

Vígroði

Auður djúpúðga elur upp son sinn á eigin jörð á Katanesi. Hún hefur haldið sig fjarri Suðureyjum frá því að leiðir hennar og Ólafs hvíta Dyflinnarkonungs skildu af ótta við að Ketill flatnefur, faðir hennar, gefi hana manni á ný. Að veturnóttum 865 kemur hún þó í föðurhús, til brúðkaups bróður síns og dóttur Ingólfs Arnarsonar. Þar spá dísirnar því að vígroða muni brátt slá á víkinga í Vesturhafi. Og víst horfir ófriðvænlega á norðanverðum Bretlandseyjum þar sem innfæddir veita norrænum mönnum æ meiri mótspyrnu og Orkneyjajarl ásælist aukin völd. Þá ræðst Dyflinnarkonungur inn í Péttland, öllum að óvörum, og leiðir þeirra Auðar liggja saman að nýju …

Vígroði er framhald af skáldsögunni Auður sem kom út 2009, naut geysilegra vinsælda og var tilnefnd til Íslensku bókmenntaverðlaunanna.

,,Breið og mikil saga … mjög stórt sögusvið og stór saga.”
- Egill Helgason / Kiljan

„Bókin er feiknavel skrifuð, söguþráðurinn áhugaverður og lýsingar allar þannig að maður sér persónur og atburði ljóslifandi fyrir sér. Ef eitthvað er fannst mér hún sterkari og áhugaverðari en Auður, kannski af því að persónan Auður er nú orðin eldri, reyndari og þroskaðri en stúlkan í fyrri bókinni.”
Eyja M. Brynjarsdóttir / Druslubækur og doðrantar, bokvit.blogspot.com

„Bókin er afskaplega vel unnin og liggja augljóslega miklar rannsóknir og mikil vinna að baki. … Vandlega unnin og vel skrifuð saga um aðdraganda þess að Auður djúpúðga nam land á Íslandi.“
Friðrika Benónýsdóttir / Fréttablaðið

***1/2
„Segja má að Vilborg skrifi fornsögur með kvenlegu sjónarhorni. Þetta er átakasaga enda túlkar hún sögulega atburði þar sem tekist er á … Styrkur sögunnar er hin breiða samfélagslýsing og ljóst er sem fyrr að Vilborg hefur unnið heimildavinnuna vel. … Hún byggir á upprunasögu okkar því að flestir eru Íslendingar komnir af þeim persónum sem þarna er fjallað um ef eitthvað er að marka íslensku fornritin.“
Skafti Þ. Halldórsson / Morgunblaðið

„… grípandi og spennandi … lesanda stendur engan vegin á sama um afdrif sögupersóna.“
Kolfinna Jónatansdóttir / Spássían

„Sagan er vel uppbyggð, spennandi og fróðleg og heldur kirfilega í lesandann allt til enda.“
Þormóður Dagsson / Morgunblaðið (um Auði)

„Auður djúpúðga sprettur lifandi fram, sjálfstæð, skapmikil og stolt kona sem lætur sér ekki allt fyrir brjósti brenna.“
Oddný Árnadóttir / Eyjan.is (um Auði)

,,Vilborg bregður upp skýrri og grípandi mynd af persónum sínum og því lífi sem þær lifðu: Lesandinn finnur lyktina af þeim; heyrir raddir þeirra, sér þær ljóslifandi … Skemmtileg og innihaldsrík saga.“
Hrafn Jökulsson / Viðskiptablaðið (um Auði)

Höfundur: Vilborg Davíðsdóttir

Fáðu þér rafbók

Nýjast | A–Ö | Verð ↓
Vilborg Davíðsdóttir fæddist 3. september 1965 á Þingeyri við Dýrafjörð. Hún lauk stúdentsprófi frá Menntaskólanum á Ísafirði 1984, lagði stund á ensku við Háskóla Íslands veturinn 1985-1986 og lauk prófi í hagnýtri fjölmiðlun árið 1991. ...
Rafbók
Forlagsverð: 2.990 kr.
Kaupa
Kaupa gjafabréf

Forlagsverð: 2.990 kr.
Kaupa


 
Varan er uppseld!
Nýjar bækur | Spennusögur | Barnabækur | Skáldsögur | Ljóð
karfan mín
Leita