Tónelska músin Maxímús Músíkus stendur í stórræðum þessa dagana. Ekki nóg með að í september ætli hann að halda tónleika fyrir um 7000 börn heldur kemur líka út í dag þrautabók um músina knáu!
Þrautabókin er unnin upp úr fyrstu sögunni um Maxa, þar sem hann heimsækir hljómsveitina í Hörpu. Þegar Maxímús Músíkús villist inn í tónlistarhúsið verður hann forvitinn um allt sem hann sér. Í bókinni er hægt að …
- hjálpa Maxa að komast í gegnum flókin völundarhús
- búa til fjölbreytt heimahljóðfæri
- setja nótur á nótnastreng
- læra að þekkja hljóðfæri og nótur
- teikna, lita og líma
- … og margt, margt fleira!
Þrautabók Maxa er kjörin fyrir alla krakka sem hafa gaman að tónlist en auk þrautanna má finna í henni fjölmarga límmiða.