Þú ert hér://Ballið á Bessastöðum
Ballið á Bessastöðum
Útgefandi: Mál og menning 2007

Ballið á Bessastöðum

Höfundar: Gerður Kristný , Halldór Baldursson

Ballið á Bessastöðum er stórsniðug saga í máli og myndum um forseta og þrjá forsetaritara, gröfukarla og hjólabrettastelpu, hundrað ára gamla konu með ýlustrá, krakkahóp sem lendir í ógöngum við Tjörnina og konu norður í Mývatnssveit sem veit ótrúlega mikið um ský. Ímyndaðu þér ball á sjálfum Bessastöðum með öllu þessu fólki og fjölmörgum til viðbótar!

Gerður Kristný hefur hlotið margvísleg verðlaun og viðurkenningar fyrir skrif sín, meðal annars fyrstu verðlaun í ljóðasamkeppni Litrófs í Sjónvarpinu árið 1992, Bókaverðlaun barnanna árið 2003 fyrir Mörtu Smörtu, Bókmenntaverðlaun Halldórs Laxness 2004 fyrir skáldsöguna Bátur með segli og allt og Blaðamannaverðlaun Íslands 2005 fyrir Myndina af pabba – Sögu Thelmu.

Halldór Baldursson er landsþekktur fyrir skopmyndir sínar og hann hefur myndskreytt fjölda barnabóka. Fyrir bókina Sagan af undurfögru prinsessunni og hugrakka prinsinum hennar hlaut Halldór Íslensku barnabókaverðlaunin árið 2006.

ATH. Tvær gerðir hljóðbóka eru í boði fyrir þessa vöru. Hljóðbókina má kaupa á geisladiski (CD eða Mp3) sem sendist í pósti en einnig sem streymishljóðbók (Streymi) sem er afhent rafrænt og hægt er að hlusta á beint í gegnum app Forlagsins eða vafra. Hér má lesa meira um hljóðbækur í streymi.

Hljóðbókin er 66 mínútur í hlustun. Höfundur les.