Bæta á óskalistaEr á óskalista
Bæta á óskalista
Búrið
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2017 | 373 | 3.990 kr. | ||
| Mjúk spjöld | 2017 | 373 | 3.490 kr. | ||
| Rafbók | 2017 | 990 kr. | |||
| Hljóðbók - streymi | 2019 | App | 1.490 kr. | Setja í körfu |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2017 | 373 | 3.990 kr. | ||
| Mjúk spjöld | 2017 | 373 | 3.490 kr. | ||
| Rafbók | 2017 | 990 kr. | |||
| Hljóðbók - streymi | 2019 | App | 1.490 kr. | Setja í körfu |
Um bókina
Agla afplánar dóm í fangelsinu á Hólmsheiði. Ekkert bíður hennar utan múranna og Sonja ástkona hennar er horfin á braut. Agla er því fljót að grípa tækifærið þegar fulltrúi erlends stórfyrirtækis biður hana um aðstoð í máli sem ekki má fara hátt. Það snýst um flókið fjármálamisferli og þar er hún á heimavelli. Með aðstoð Maríu, sjálfstætt starfandi blaðamanns, ræðst Agla til atlögu við hákarlana.
Álkóngurinn Ingimar á sér einskis ills von en þegar María fer að spyrja óþægilegra spurninga bregst hann snarlega við – og það er leikur kattarins að músinni. Í kjallaranum heima hjá honum liggja hins vegar dýnamítstangir sem hann veit ekki af og bíða réttu stundarinnar …
Búrið er æsispennandi lokaþáttur í þríleik Lilju Sigurðardóttur um eiturlyfjasmygl, efnahagsglæpi og eldheita ást í Reykjavík samtímans. Fyrri bækurnar, Gildran og Netið, hlutu frábærar viðtökur. Búrið gefur þeim ekkert eftir.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er átta klukkustundir og tuttugu mínútur að lengd. Elín Gunnarsdóttir les.
Hér má hlusta á fyrsta kafla hljóðbókarinnar:
Tengdar bækur
4 umsagnir um Búrið
Eldar –
„Það er vandmeðfarið að skrifa sögu sem er svo nærri raunveruleikanum en höfundi ferst það vel úr hendi, fellir ekki áfellisdóma en kafar djúpt og veltir upp ástæðum ólíkra glæpa. Þá eru sögupersónurnar vel skapaðar, yfirleitt marghliða og langt frá því einfaldar, og að sama skapi fléttan sem er flókin og spennandi. Búrið er góður endir á metnaðarfullum þríleik þar sem hvítflibbaglæpir tvinnast saman við sakamál tengd eiturlyfjum og hatursorðræðu, og gefur færi á að fylgja sögupersónum vel eftir – frá hátindi glæpalífs yfir í djúpar lægðir í fangelsi.“
Blóðdropinn 2018, hin íslensku glæpasagnaverðlaun / Rökstuðningur dómnefndar
Árni Þór –
„Mjög spennandi bók með flottri og óvæntri fléttu. Það er alveg óhætt að mæla með þessum þríleik.“
Steingerður Steinarsdóttir / Vikan
Árni Þór –
„Dúndurendir á spennandi þríleik … Lilja er mjög flinkur glæpasagnahöfundur. Hún er snjöll við að vefa áhugaverðar hliðarsögur inn í það sem lesandinn heldur að sé aðalsagan þangað til eitthvað allt annað kemur í ljós og henni tekst líka afar vel að viðhalda spennu, en kaflarnir í bókinni eru stuttir og snarpir og halda vel við efnið.“
Anna Lilja Þórisdóttir / Morgunblaðið
Árni Þór –
„Hörkuspennandi flettitryllir … lokahnykkurinn í æsispennandi þríleik hins flinka spennusagnahöfundar Lilju Sigurðardóttur … Æsispennandi reyfari um ástir og átök í framandi glæpaheimi sem inniheldur þó skýra skírskotun til íslensks samfélags í dag.“
Helga Birgisdóttir / Fréttablaðið