Á barnsaldri er Saga misnotuð kynferðislega af ættingja sínum. Áralangt líf í skugga skammar og sjálfsásökunar breytist þegar hún snýst af hörku gegn foreldrum sínum og kúgara, en uppreisnin frelsar hana ekki og hún missir fótanna. Þegar hún stofnar sjálf heimili kemur í ljós að fortíðin hefur ekki sleppt tökum á henni – hún er aftur lent í klóm ofbeldisins.

Íris Anita Hafsteinsdóttir segir hér sögu byggða á sönnum frásögnum ungra kvenna af kynferðis- og heimilisofbeldi, sögu af sigurvegara.