Þú ert hér://Eldgos 1913-2011
Eldgos 1913-2011
2011

Eldgos 1913-2011

Höfundar: Ari Trausti Guðmundsson , Ragnar Th. Sigurðsson

Vandfundið er myndefni sem er jafn ægifagurt og það litaspil þegar jörð rifnar og jarðeldar leysast úr læðingi. Í þessari glæsilegu bók er að finna ljósmyndir af öllum þeim eldgosum 20. aldar og fyrstu gosum þeirrar 21. sem íslenskir ljósmyndarar hafa gert skil. Bókin lýsir stórkostlegu sjónarspili eldsumbrota á einstæðan hátt.

Verkinu er skipt í átta aðalkafla sem hver er helgaður einni gosstöð: Kröflu, Öskju, Grímsvötnum, Heklu, Kötlu, Eyjafjallajökli, Surtsey og Heimaey. Líflegir myndatextar Ara Trausta Guðmundssonar setja myndirnar í samhengi við eldvirkni og eldstöðvar en hann semur einnig inngang að hverjum kafla og fróðlegt yfirlit um sögu og eðli eldsumbrota og landmótunar á Íslandi.

Ragnar Th. Sigurðsson annaðist myndaritstjórn og myndvinnslu og leitaði í smiðju margra af helstu ljósmyndurum landsins.