Vilborg Dagbjartsdóttir er löngu þjóðkunn fyrir ljóð sín, barnabækur og þýðingar og hefur glatt lesendur sína um áratuga skeið. Hér er á ferð sjötta ljóðabók hennar en sú fyrsta, Laufið á trjánum, kom út árið 1960. Hlýja og frískleiki hafa löngum einkennt skáldskap Vilborgar og hafa ljóð hennar birst í tímaritum og safnritum bæði hér á landi og erlendis.

Auk frumortra ljóða Vilborgar eru einnig þýðingar hennar á þremur ljóðum Sylviu Plath í bókinni.