Halldór Laxness – Úrvalsbók
2007

Halldór Laxness – úrvalsbók

Höfundur: Halldór Laxness

Í þessari einu bók eru 24 verk eftir Halldór Laxness sem Halldór Guðmundsson bókmenntafræðingur og rithöfundur hefur valið: hlutar úr skáldsögum, smásögur, ritgerðir og ljóð og auk þess tvær skáldsögur í heilu lagi, Brekkukotsannáll og Kristnihald undir Jökli. Úrvalið nær yfir sextíu ár af höfundarferli Halldórs og á að gefa glögga mynd af fjölbreytninni í viðfangsefnum hans og efnistökum. Öll verkin eru birt með venjulegri nútímastafsetningu, en sérkennilegar orð- og beygingarmyndir skáldsins fá að sjálfsögðu að halda sér.

Aftast í bókinni er að finna skrá yfir bækur Halldórs Laxness og jafnframt skrá yfir helstu bækur sem til eru um hann á íslensku.