Þetta er ný og mikið endurskoðuð kiljuútgáfa á skáldsögu Guðbergs sem kom fyrst út árið 1982 og er með fyndnustu verkum þessa sífrjóa höfundar, en með alvarlegum undirtón. Hún gerist í Reykjavík. Aðalpersónan er fráskilinn sálfræðingur sem stendur í sífelldum flutningum milli forstofuherbergja sem leigð eru út af fráskildum eiginkonum annarra manna. Hugarástand mannsins er í rúst, konan hans fyrrverandi er upptendruð af kvenfrelsisboðskap og leyfir honum ekki að umgangast dæturnar tvær. Sagan lýsir einum sólarhring af eirðarlausu rangli þessa manns um borgina.