Þú ert hér://Jólasveinarnir í Dimmuborgum
Jólasveinarnir í Dimmuborgum
Útgefandi: Mál og menning 2008

Jólasveinarnir í Dimmuborgum

Höfundar: Brynhildur Þórarinsdóttir , Yngvi Ragnar Kristjánsson, Ragnar Th. Sigurðsson

Ferðalangar sem koma í Mývatnssveit í desembermánuði mega eiga von á mikilli skemmtun því þar er hægt að hitta sjálfa jólasveinana! Í úfnu hrauni eiga þeir rúmgóðan helli ekki langt frá heimkynnum Grýlu og þangað fá þeir bréf víðs vegar að úr heiminum.

Í þessari skemmtilegu bók má lesa um jólasveinana þrettán, heimkynni þeirra í Dimmuborgum og söguna af því af hverju þeir völdu að búa einmitt þar. Bókin er skreytt glæsilegum ljósmyndum af sveinunum á heimaslóðum.

Yngvi Ragnar Kristjánsson er nágranni og vinur jólasveinanna og birtir sögur þeirra hér með fullu leyfi sveinanna. Hann er höfundur að texta bókarinnar ásamt Brynhildi Þórarinsdóttur. Ragnar Th. Sigurðsson er eini ljósmyndarinn sem jólasveinarnir hleypa inn í hellinn sinn.