Leyndarmálið hans pabba
Útgefandi: JPV 2007

Leyndarmálið hans pabba

Höfundur: Þórarinn Leifsson

Hversu lengi er hægt að þegja yfir hræðilegu leyndarmáli? Því velta systkinin í þessari bók fyrir sér - umkringd litríkum persónum á borð við leynilögreglumanninn Vidda nikótín, íþróttabrjálæðinginn Ívar bang-bang, besta vininn Bjössa börger, hina óþolandi Bertu bleiku, að ógleymdri mannætunni í Hlíðunum sem sumir trúa að sé einhvers staðar á kreiki.

Leyndarmálið hans pabba er óborganlega fyndin spennusaga um venjulega krakka sem glíma við óvenjulegt vandamál með ófyrirséðum málalokum. Um leið er þetta saga um raunverulegt vandamál sem margir krakkar búa við - togstreituna um hvenær eigi að þegja og hvenær eigi að segja frá. Leyndarmálið hans pabba er bók sem enginn leggur frá sér fyrr en að lestri loknum.

*****

„Heimurinn sem Þórarinn Leifsson skapar í þessari bók er með eindæmum skemmtilegur ... Bókin er spennandi, fyndin og frumleg og á pottþétt eftir að vera lengi í minnum höfð. ... Þetta er tvímælalaust besta barnabók sem ég hef lesið í langan tíma!
Berglind Häsler / DV

„Las mér til mikillar ánægju ... fyndin ... bráðskemmtileg.“
Kolbrún Bergþórsdóttir / Kiljan / RÚV

****

„Leyndarmálið hans pabba er upplögð bók til þess að lesa með krökkum og ræða þau vandamál sem þeir glíma við … fyrir miklu fleiri en börn með foreldravandamál, hún er fyrir alla sem hafa gaman af hryllings- og ærslasögum.“
Hildur Heimisdóttir / Fréttablaðið

 

[domar]

„Margt gott má segja um þessa bók; sú blanda af ýkjum og hryllingi sem ræður ferðinni ætti að höfða til flestra krakka sem hafa náð þeim þroska að skilja tvíræðni og sprell … Fullorðnum ætti ekki að leiðast
lesturinn því persónulýsingar Þórarins eru víða bráðskemmtilegar og tilvísanagrunnur bæði texta og mynda þéttur.“
Soffía Auður Birgisdóttir / Morgunblaðið

„Dásamleg bók ... myndirnar algjört æði.“
Vikan

„Afar óvenjuleg barnabók, hugmyndarík og stórskemmtileg.“
Kolbrún Bergþórsdóttir / Ísafold


„Einhver óvenjulegasta bók sem kemur út fyrir þessi jól ef ekki sú óvenjulegasta á síðari árum.“
Sigmundur Ernir / Mannamál / Stöð 2

„Bráðskemmtileg og sérlega frumleg barnabók.“
Kolbrún Bergþórsdóttir / 24 stundir

„Bók sem börn og fullorðnir ættu að lesa ... mjög fyndin ... í henni leynist ákveðinn sannleikur um öll heimili sem búa yfir leyndarmáli.“
Katrín Jakobsdóttir / Mannamál / Stöð 2

„Óvenjuleg bók í hæsta máta og umræðuverð í bekkjum barna á ýmsum aldri.“
Silja Aðalsteinsdóttir / Tímarit Máls og menningar

[domar]