Þú ert hér://Líkn
Líkn
2019

Líkn

Höfundur: Hildur Eir Bolladóttir

Þegar drengurinn minn fæddist
var ég enn þunguð af gamalli sorg
Þá reyndust fæðingarhríðarnar mín mesta huggun
Loks skildi ég að allar breytingar
eru fæðingar
allar sorgir
hríðar
og reynslan
blóðrík fylgja

Séra Hildur Eir Bolladóttir er prestur í Akureyrarkirkju. Hún hefur vakið athygli fyrir beinskeittar predikanir, sjónvarpsþætti og pistla. Hún hefur áður gefið út bókina Hugrekki – sögu af kvíða sem þótti einlæg og fyndin þrátt fyrir erfitt viðfangsefni. Bókin var tilnefnd til Fjöruverðlaunanna árið 2017.

Hér yrkir Hildur Eir um söknuð og trega og þá hreinsun sem á sér stað í kjölfarið. Hildi er einkar lagið að fjalla um erfiðar tilfinningar á hispurslausan hátt og það sem helst líknar mannssálinni