Morðið í Hæstarétti
Útgefandi: Mál og menning 2001

Morðið í Hæstarétti: Stella Blómkvist #3

Höfundur: Stella Blómkvist

Falleg leikkona með vafasama fortíð finnst myrt inni á einkaskrifstofu hæstaréttardómara. Upptökur úr öryggismyndavélum byggingarinnar sýna dómarann og hina myrtu ganga saman inn í hús Hæstaréttar skömmu fyrir morðið. Í yfirheyrslum lögreglunnar segist dómarinn hins vegar hafa setið í biluðum bíl órafjarri skrifstofu sinni á sama tíma. Hann leitar til lögfræðingsins og kjarnakonunnar Stellu Blómkvist og nú reynir á hana að komast til botns í málinu.

Stella Blómkvist er klár, sjálfstæð, úrræðagóð og kallar ekki allt ömmu sína en lendir iðulega upp á kant við góðkunningja sína, lögregluna. Æsispennandi sakamálasaga eftir dularfyllsta rithöfund landsins.

Morðið í Hæstarétti er þriðja bókin um Stellu Blómkvist, en hinar tvær, Morðið í stjórnarráðinu og Morðið í sjónvarpinu hlutu afar góðar viðtökur.