Morðið í Gróttu
2017

Morðið í Gróttu: Stella Blómkvist #9

Höfundur: Stella Blómkvist

Þegar miðill leitar til Stellu með morðgátu úr framtíðinni afgreiðir hún hann sem loddara. Henni er því brugðið þegar kvótakóngurinn Grímúlfur finnst myrtur í Gróttu, við aðstæður sem minna óhugnanlega á lýsingar miðilsins.

Ráðgáturnar hrannast upp og Stella þarf að taka á honum stóra sínum til að vera skrefi á undan kaldrifjuðum glæpamönnum og prúðupiltunum í lögreglunni. Andstæðingar hennar svífast einskis til að koma höggi á hina kjaftforu og harðsoðnu Stellu. Við tekur vægðarlaus barátta upp á líf og dauða.

Morðið í Gróttu er níunda bókin um lögfræðinginn, nautnasegginn og klækjakvendið Stellu Blómkvist sem birtist loks lesendum sínum í sjónvarpsþáttum haustið 2017.