Olga
2019

Olga

Höfundur: Bernhard Schlink

Olga er saga um viljasterka konu og óraunsæjan draumóramann. Hún berst gegn fordómum sinnar tíðar en hann ferðast um framandi slóðir í von um landvinninga. Þau eiga sér ólíkar rætur; hún er munaðarlaus og elst upp við harðan kost, hann við ríkidæmi og þjóðernisstolt. En þau elska hvort annað út yfir gröf og dauða.

Saga þeirra er þó ekki aðeins saga um ást í meinum, hún er líka samtvinnuð sögu Þýskalands fram eftir tuttugustu öldinni – sögu mikilmennsku og hástemmdra hugmynda um völd og yfirráð − og nær allt fram til okkar tíma í formi sendibréfa sem varpa ljósi á líf þeirra og dramatísk örlög.

Bernhard Schlink sló í gegn með skáldsögunni Lesarinn sem fór sigurför um heiminn, var kvikmynduð og þýdd á fjölda tungumála, þar á meðal íslensku. Nú sendir hann frá sér aðra magnaða bók, Olgu.

Elísa Björg Þorsteinsdóttir þýddi.