Skáldlegur barnshugur er skemmtileg bók sem gefin hefur verið út af Máli og menningu í tilefni af tvö hundruð ára afmæli H.C. Andersens en meginefni hennar eru skrif Gríms Thomsens um skáldið en Grímur mun hafa verið manna fyrstur til þess að skrifa viðamikla grein um ritverk Andersens og í raun uppgötva eða viðurkenna hæfileika hans eins og Kristján Jóhann Jónsson rekur í skemmtilegri ritgerð í bókinni. Vigdís Finnbogadóttir og Einar Már Guðmundsson skrifa einnig um Andersen í bókinni sem er tvítyngd. Ritstjóri er Katrín Jakobsdóttir.