Skuggasaga II – Undirheimar
2016

Undirheimar: Skuggasaga #2

Höfundur: Ragnheiður Eyjólfsdóttir

Saga elst upp meðal manna og hefur ekki hugmynd um uppruna sinn fyrr en furðuveran Baldur birtist og fer með hana til Álfheima. Þar krauma átök og ljóst er að ekki eru allir sáttir við komu hennar. Þegar Saga er sökuð um svartagaldur og morð leggur hún á flótti til Hyrnuborgar, ásamt Örvari félaga sínum og fylgjunum þeirra. Þar heyra þau fyrst um Undirheima – dularfulla staðinn þar sem kúgaðir álfar hafa beðið lengi eftir að forn spádómur rætist. En getur staðist að Saga sé frelsishetjan Báleygur sem svo miklar vonir eru bundnar við?

Undirheimar er seinni hluti Skuggasögu, spennandi ævintýris úr framandi heimi sem hófst með Arftakanum. Fyrir fyrri bókina hlaut Ragnheiður Eyjólfsdóttir Íslensku barnabókaverðlaunin 2015 og Bóksalaverðlaunin í flokki táningabóka.