Það sem lifir dauðann af er ástin
2017

Það sem lifir dauðann af er ástin

Höfundur: Kristján Árnason

Titillinn Það sem lifir dauðann af er ástin er ljóðlína fengin að láni frá enska lárviðarskáldinu Philip Larkin sem fangar vel andann sem svífur yfir vötnum í þessu fjölskrúðuga safni. Hér er að finna sýnishorn af ljóðaþýðingum Kristjáns Árnasonar gegnum tíðina, allt frá fornkvæðum Grikkja og Rómverja til öllu nýstárlegri samtímakvæða. Loks eru hér nokkur frumsamin ljóð Kristjáns sem sum hafa birst áður.

Kristján Árnason hefur um árabil verið í hópi nafntoguðustu þýðenda okkar Íslendinga og er skemmst að minnast þýðingar hans á Ummyndunum rómverska skáldsins Óvíds sem hlaut Íslensku þýðingaverðlaunin.