Þú ert hér://ÞÞ – í fátæktarlandi
ÞÞ – í fátæktarlandi
Útgefandi: JPV 2007

ÞÞ – í fátæktarlandi

Höfundur: Pétur Gunnarsson

ÞÞ – Í fátæktarlandi. Í bókinni endurskapar Pétur þroskasögu Þórbergs sem rithöfundar og einstaklings og dregur upp mynd sem á eftir að koma nýjum sem gömlum aðdáendum Þórbergs á óvart. Hann leitar víða fanga, m.a. í sendibréfum, dagbókum og óútgefnu ævisöguhandriti, svo og í útkomnum verkum Þórbergs.

Þórbergur Þórðarson er án efa einn fremsti höfundur okkar en sker sig nokkuð úr fyrir það hve seint ferill hans hófst; hann var orðinn 36 ára þegar Bréf til Láru kom út og fimmtugur þegar Íslenskur aðall leit dagsins ljós. Hvað hafðist hann að fram að því? Hvað mótaði hann sem rithöfund? Pétur leitar svara við þessum spurningum, rekur glímu Þórbergs við fátækt og eymd og segir frá litríkum og dramatískum ástarævintýrum, vonbrigðum og sorgum en einnig björtum vonum og háleitum hugsjónum.

Bókin var tilnefnd til Íslensku bókmenntaverðlaunanna 2007.