Tryggðatröll
Útgefandi: JPV 2007

Tryggðatröll

Höfundar: Brian Pilkington , Steinar Berg, Jóhann Páll Valdimarsson

JPV útgáfa gefur út hugljúft og fallegt ævintýri eftir Steinar Berg þar sem segir frá samskiptum tröllastúlkunnar Drífu og bóndasonarins Bergsteins. Sögusviðið er Borgarfjörður og þar öðlast kennileitin líf og örnefnin merkingu. Eftir því sem frásögninni af örlögum Drífu og Bergsteins vindur fram kemur í ljós að í lífi bæði trölla og manna skiptast á gleði og sorg.

Tryggðatröll er afar hrífandi saga sem á erindi til barna á öllum aldri. Bókin kemur einnig út á ensku.

Steinar Berg er þekktur tónlistarútgefandi og ferðaþjónustubóndi í Borgarfirði. Tryggðatröll er fyrsta bók hans og innblásin af umhverfinu.

Sagan er myndskreytt af Brian Pilkington sem er að góðu kunnur fyrir bókarskreytingar sínar, ekki síst þar sem tröll koma við sögu.

Í bókinni eru jafnframt ljósmyndir frá Borgarfirði eftir Jóhann Pál Valdimarsson.