Bæta á óskalistaEr á óskalista
Bæta á óskalista
Undir Yggdrasil
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2020 | 1.490 kr. | |||
| Innbundin | 2020 | 327 | 3.490 kr. | ||
| Hljóðbók - streymi | 2020 | App | 3.990 kr. | Setja í körfu |
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2020 | 1.490 kr. | |||
| Innbundin | 2020 | 327 | 3.490 kr. | ||
| Hljóðbók - streymi | 2020 | App | 3.990 kr. | Setja í körfu |
Um bókina
Þorgerður Þorsteinsdóttir ól tvíbura þegar hún var sjálf vart af barnsaldri en mátti bíða lengi eftir óskabarninu sínu, Þorkötlu Dala-Kollsdóttur. Því harmþrungari eru atburðirnir eftir þingið á Þórsnesi þegar tátlan er aðeins sjö ára gömul – og öllum óskiljanlegir. Þorgerður kýs heldur að leita styrks hjá skapanornunum undir askinum Yggdrasil en Hvítakristi ömmu sinnar, Auðar djúpúðgu, og leitin að sannleikanum leiðir hana í siglingu austur yfir haf og seiðför í sali Heljar.
Undir Yggdrasil er grípandi skáldsaga úr sama sagnabrunni og Vilborg Davíðsdóttir sótti áhrifamikinn þríleik sinn um Auði, en fyrsta bindi hans var tilnefnt til Íslensku bókmenntaverðlaunanna. Sögulegar skáldsögur Vilborgar hafa notið mikilla vinsælda undanfarna áratugi enda varpa þær nýju og óvæntu ljósi á örlög og aðstæður íslenskra kvenna.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er um 9 klukkustundir að lengd. Höfundur les.
Hér má hlusta á brot úr hljóðbókinni:
Tengdar bækur
7 umsagnir um Undir Yggdrasil
embla –
„Vilborg skapar ótrúlega nákvæmt persónugallerí sem lesandinn á erfitt með að sleppa hendinni af. Sálarlífi og sálarangist Þorgerðar er lýst á sannfærandi hátt – svo sannfærandi að lesandinn dregst inn í örvæntinguna með henni.“
Katrín Lilja / Lestrarklefinn
embla –
„Undir Yggdrasil er kröftug frásögn og alvarleg enda er það ekkert léttmeti þær hremmingar sem sögupersónurnar lenda í. Lesandi verður að vera tilbúinn að lifa sig inn í frásögnina en á sama tíma tilbúinn að takast á við það svartnætti sem mætir sögupersónunum. Eins og áður snuðar Vilborg lesanda heldur ekki um örlitla rómantík þó það sé fremur móðurástin sem er hér fremst í flokki og sýnir hvers mannskepnan er megnug þegar kemur að því að verja eigin afkvæmi.“
Bryndís Silja Pálmadóttir / Fréttablaðið
embla –
„Í Undir Yggdrasil leiðir Vilborg Davíðsdóttir lesandann heima á milli, frá Íslandi og austur um haf og frá miðaldaheiminum sem hún hefur áður tekist á við yfir í handanheima norrænu goðafræðinnar. Efnistökin eru nútímaleg og úrvinnslan á sagnaarfinum vönduð svo úr verður söguleg skáldsaga sem á erindi við nútímalesendur. Bókin gefur innsýn í líf bæði kvenna og annarra aukapersóna Íslendingasagnanna. Þorgerður Þorsteinsdóttir er heillandi aðalpersóna og eins og aðrar persónur bókarinnar bæði heildsteypt og mannleg. Bókin heldur lesandanum fram á síðustu blaðsíðu enda er frásögnin meistaralega fléttuð.“
Umsögn dómnefndar / Fjöruverðlaunin
gudnord –
„Mér finnst [Vilborgu] takast alveg ótrúlega vel [að skapa þennan tíma] … Ótrúlega flott og spennandi. Ég hefði bara helst viljað vera aðeins lengur með henni þarna í handanheimum.“
Sunna Dís Másdóttir / Kiljan
gudnord –
„Mjög spennandi úrvinnsla úr þessum heimi.“
Þorgeir Tryggvason / Kiljan
gudnord –
„Bókin ber öll bestu einkenni höfundar síns; hún er afbragðs vel skrifuð, frásögnin haganlega saman fléttuð og spennandi frá upphafi til enda. Vilborg sýnir hugmyndaauðgi þegar hún skáldar í eyðurnar og tekst vel að tengja við málefni sem brenna á samtímanum.“
Soffía Auður Birgisdóttir, Skáld.is
embla –
„Sagan af Þorgerði Þorsteinsdóttur er krassandi og spennandi. Þó er hún á köflum afar átakanleg, einmitt vegna þess að Vilborgu tekst svo vel til að vekja samkennd lesanda með sögupersónum sínum. […] Hverju andartaki er svo gætilega lýst að lesandinn sér sögusviðið fullkomlega fyrir sér en samt er frásögnin gædd einhverri fullkominni draumkennd — eins og hún sé máluð í vatnslitum.“
Védís Huldudóttir / Bókmenntavefurinn