Skáldsaga Kristínar Steinsdóttur, Ljósa, hlaut í gær menningarverðlaun DV í flokki bókmennta. Við óskum Kristínu innilega til hamingju með verðlaunin! Ljósa var meðal vinsælustu skáldsagna fyrir síðustu jól og hlaut afbragðsgóðar viðtökur bæði lesenda og gagnrýnenda. Bókin er nýkomin út í kilju og hefur sú útgáfa selst afar vel – önnur prentun er væntanleg innan skamms.
