Þú ert hér://Þannig er lífið núna

Þannig er lífið núna

Höfundur: Meg Rossoff

Lísa er send til móðursystur sinnar á Englandi. Þar hrífst hún af framandi umhverfinu, hrörlegu býlinu og frændsystkinum sínum, bræðrunum þremur og Piper litlu systur þeirra. En umfram allt verður hún þó yfir sig ástfangin af Edmond og þau eiga saman unaðsstundir uns friðurinn er skyndilega rofinn. Stríð brýst út og hryðjuverkamenn ná völdum á Englandi, frændsystkinin eru skilin að og nú gildir það eitt að halda lífi …

Í þessari bresku verðlaunabók dregur Meg Rosoff upp sterka mynd af því hvernig heimsstríð gæti orðið á 21. öldinni, þegar öll tæknin sem við erum orðin svo vön bregst og við verðum að læra mál náttúrunnar að nýju til að lifa af. Sagan sýnir hrylling heimsins en um leið hve fullur hann er af kærleika og umburðarlyndi.
Helgi Grímsson þýddi.
„...söguþráðurinn þéttur og framvindan hæfilega óraunveruleg...“
Árni Matthíasson / Morgunblaðið
***
„... lipurlega skrifuð ... Áhugaverð og vel skrifuð saga sem vekur margar spurningar.“
Friðrika Benónýsdóttir / Fréttablaðið


„Djörf, djúpvitur og næm frásögn um vanda þess að vera ungur í veröld á barmi glötunar.“
People Magazine


„Sjaldan er fyrsta skáldsaga rithöfundar svo markviss, sterk og heillandi að maður sé sannfærður um að eiga eftir að lesa allt sem sá höfundur skrifar upp frá því. Þannig er lífið núna er slíkt verk ...“
The Guardian


„Lesendur munu ekki láta sér nægja að lesa, þeir munu leyfa bókinni að gleypa sig.“
The Sunday Telegraph

 

Verð 990 kr.

Gerð SíðurÚtgáfuárVerðMagn
Kilja 204 2011 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / /