Höfundur: Mace, M.L. / Rabins, P.V.

Jón Snædal læknir ritar formála að íslenskri útgáfu bókarinnar Þegar á reynir: umönnun sjúklinga með Alzheimer og heilabilun og segir þar m.a.: Sjúklingar með heilabilun hafa fram undir þetta hlotið litla athygli þjóðfélagsins og aðstandendur þeirra ennþá minni. Þegar þessi bók var gefin út í Bandaríkjunum fyrir hartnær 10 árum uppfyllti hún því brýna þörf og hlaut mikla athygli. Öldruðum fjölgar sífellt í öllum hinum vestræna heimi og þar með einstaklingum með heilabilun, því þeir eru flestir í efstu aldurhópunum. Þessi þróun eykur eftirspurn á upplýsingum af því tagi sem er að finna í þessari bók . . .

Bókin lýsir flestum hugsanlegum einkennum heilabilunar en gera má ráð fyrir því að hver einstaklingur sýni ekki nema nokkur þeirra og þarf að hafa það í huga við lestur hennar.

Aðstandendur og aðrir sem sinna einstaklingum með heilabilun ættu að geta fundið í þessari bók margvísleg ráð um hvernig megi bregðast við vandamálum sem upp geta komið. Vitneskjan um það hvers má vænta og hvernig megi bregðast við getur dregið úr vanmætti og kvíða og gert aðstandendum kleift að takast á við verkefnið af festu og öryggi.