Á valdeginum þurfa allir sextán ára einstaklingar að taka ákvörðun um hvaða fylki þeir ætla að tilheyra það sem eftir er ævinnar. Valið mun ákvarða vinina, lífsgildin og hvar hollusta þeirra liggur … að eilífu.
Beatrice Prior þarf að velja milli fjölskyldu sinnar og eigin sannfæringar. Ákvörðun hennar kemur öllum á óvart, meira að segja henni sjálfri.
Við tekur æsispennandi atburðarás þar sem Tris, eins og hún kallar sig, sogast inn í stigmagnandi togstreitu milli fylkjanna. Ekkert virðist geta komið í veg fyrir að upp úr sjóði … en Tris á sér leyndarmál. Leyndarmál sem gæti bjargað fólkinu sem hún elskar eða tortímt henni sjálfri!