Höfundur: Ófeigur Sigurðsson

Áferð eftir Ófeig Sigurðsson er saga sem kreistir geðdeyfðina úr lesendum sínum, snýr niður hross og gægist upp í rassgatið á vannærðum hundum. Áferð er ekki allra og er ekki ætlað að vera allra - til þess höfum við Bítlana og Hemma Gunn. Maðurinn frá Hvergilandi skröltir um ókunnar þriðja heims lendur í leit að einhverju, engu, öllu, hattinum sínum og sjálfum sér. Stíllinn lyktar af sagga og brennisteini líkt og sjálfur andskotinn mygli á húsbitanum. Áferð er þeirra sem hafa dug til að lifa í bók.