Höfundur: Gunnlaugur A. Jónsson

Áhrifasaga Saltarans fjallar um Davíðssálma i sögu og samtíð. Efnið er afar umfangsmikið og vitnar um ótrúlega víðtæk áhrif Sálmanna á flestum sviðum mannlífsins, jafnt í gyðingdómi og kristni. Hugað er að rótum þeirra í hebresku helgihaldi mörgum öldum f.Kr.

Áherslan í þessari bók hvílir hins vegar talsvert á íslenskri áhrifasögu, ekki síst í síðari tíma trúarlífi og menningu. Þjóðsöngur okkar er ortur út af 90. sálmi Slatarans, svo aðeins eitt dæmi sé nefnt. Tekin eru fjölmörg dæmi af áhrifum hinna fornu sálma í tónlist, myndlist, bókmenntum og síðast en ekki síst kvikmyndum.