Höfundur: John Stephens

.

Kata er horfin aftur í tímann. Tekst Mikael og Emmu að finna hinn nafnkunna Annál eldsins – og beisla mátt hans – áður en systirin verður þeim að eilífu glötuð?

Stanislaus Pym: Gamall galdrakarl með gleraugu sem ætlar að hjálpa systkinunum að finna foreldra sína. Hann vill líka finna Bækur upphafsins. En þar eiga börnin og galdrakarlinn í harðri samkeppni við ...

Ógnvaldinn mikla: Hver er hann? Hver eru tengsl hans við ungan pilt sem Kata kynnist í New York þegar hún hverfur hundrað ár aftur í tímann? Einn skósveina Ógnvaldsins mikla er ...

Rourke: Risavaxinn maður sem virðist óþreytandi, ósigrandi og gjörsamlega miskunnarlaus. Hann eltir systkinin og Gabríel til ystu marka jarðar þar sem þau þurfa ekki bara að takast á við hann og heilan her af nístum og tröllum heldur líka ís, eld og dreka.

Guðni Kolbeinsson þýddi.

 

„Spennandi og vel skrifaðar bækur fyrir unglinga á öllum aldri. Ekki dregur úrvals þýðing Guðna Kolbeinssonar úr gæðum bókanna.  Mikill fengur er af bókunum en lítið framboð á vönduðu lesefni fyrir börn og unglinga ógnar enn frekar lesáhuga nýrra kynslóða.“