Höfundur: Jónas Þorbjarnarson

Brot af staðreynd er níunda ljóðabók Jónasar Þorbjarnarsonar. Hann gekk frá henni til útgáfu skömmu áður en hann lést síðastliðið sumar (2012), einungis 52 ára að aldri.

Í fyrstu bók Jónasar kynntust lesendur þroskuðu skáldi sem hafði greinilega þegar haft drjúg kynni af heimi nútímaljóðlistar; lifað þar, skynjað og hugsað. Hann hélt tryggð við þennan tjáningarmáta. Þótt hann væri sískrifandi og setti heilmikinn prósa á blað var ljóðið sá miðill sem hann deildi með öðrum. Hann mótaði smám saman sinn eigin ljóðaheim og þar má rekja slóðir hans og grennslast fyrir um kennileiti, áningarstaði og stefnumót.  (Úr eftirmála Ástráðs Eysteinssonar)