Höfundur: Benjamin Lebert

Fáar metsölubækur síðari ára hafa komið jafn rækilega á óvart og Crazy. Þjóðverjinn Benjamin Lebert var aðeins sextán ára þegar hann hóf að skrifa hana og öllum að óvörum sló hún í gegn. Þetta er hrífandi frásögn um það hvort stelpur séu inntak lífsins, hvernig það sé að vera „krypplingur“ og hvort tilveran snúist um „crazy“-heimspekina, vináttuna eða það að verða fullorðinn. Bókin hefur verið þýdd á yfir 30 tungumál og eftir henni var gerð kvikmynd sem varð gríðarlega vinsæl í Evrópu.