Dansk er mange ting er ætluð nemendum á fyrsta ári í framhaldsskóla. Bókin skiptist í nokkra hluta sem hver um sig geymir bæði leskafla og verkefni. Hver kafli fjallar um afmarkað efni sem höfðar til ungs fólks og getur orðið grunnur að umræðum og frekari gagnaöflun.

Kappkostað hefur verið að hafa verkefnin í bókinni sem fjölbreytilegust. Þau eru munnleg og skrifleg og krefjast bæði einstaklings- og hópvinnu. Nemendur eru jafnframt hvattir til að leita út fyrir síður kennslubókarinnar við lausn verkefnanna, til dæmis með því að nýta netið.

Höfundarnir eru þrautreyndir kennarar og hafa samið fjölda kennslubóka.