Höfundar: Steinn Steinarr, Þorvaldur Skúlason

Dvalið hjá djúpu vatni er frumgerð ljóðabálksins sem síðar kom út undir nafninu Tíminn og vatnið, þekktasta ljóðabálks Steins Steinarr, en af óljósum ástæðum var frumgerðin þó aldrei prentuð. Af þeim tíu ljóðum sem eru í henni rötuðu átta í lokaútgáfu Tímans og vatnsins.

Þorvaldur Skúlason myndskreytti Dvalið hjá djúpu vatni en þær teikningar hafa ekki komið fyrir augu almennings fyrr, utan ein sem birst hefur með umfjöllun um ljóðin.

Í tilefni aldarafmælis Steins er þetta einstæða listaverk nú gefið út í fyrsta sinn í þeirri upprunalegu mynd sem hann ætlaði til útgáfu. Bókin er í stóru broti og kemur út í eitt þúsund tölusettum eintökum.