Litla jemenska stúlkan Nojoud sýndi ótrúlegan kjark þegar hún óskaði eftir skilnaði og reis þar með upp gegn fornum hefðum í landi sínu.

Hugrekki Nojoud var fagnað í alþjóðlegum fjölmiðlum og reynsla hennar snart fólk um allan heim. Hún breyttist úr þögulu fórnarlambi í hetju sem stóð fyrir máli sínu og hefur orðið fyrirmynd barnungra stúlkna sem lenda í slíkum aðstæðum.

Þessi einstaka og heillandi frásögn er skrifuð í samvinnu við Delphine Minoui. Hún er mikilsvirt fréttakona, sérfræðingur í málefnum Mið-Austurlanda og hefur á síðustu tólf árum fjallað um atburði frá þessum heimshluta í frönskum fjölmiðlum.