Ensk-ensk orðabók með íslenskum lykilorðum er einstök í sinni röð því hún hefur tvöfalt gildi:  hún gefur enska skýringu við ensk uppsláttarorð og íslenskt samheiti við það. Orðabókin er samin fyrir þá sem ekki hafa ensku að móðurmáli og orðskýringarnar eru einfaldar og auðskildar. Gefin eru dæmi um notkun orðs og hverju uppsláttarorði er fylgt eftir með afleiddum orðum sem þýdd eru á íslensku. Uppsetning bókarinnar er sérlega skýr, ný lína fyrir hverja merkingu orðsins, sérstakir rammar utan um algengar villur, hvert orð er hljóðritað og áherslumerkt.

Orðabækur af þessu tagi hafa rutt sér til rúms í skólum víða um heim og þykja gott veganesti í enskunámi.