Fallið
Gerð | Útgáfuár | Síður | Verð | Magn | |
---|---|---|---|---|---|
Innbundin | 2011 | 190 | 790 kr. |
Gerð | Útgáfuár | Síður | Verð | Magn | |
---|---|---|---|---|---|
Innbundin | 2011 | 190 | 790 kr. |
Um bókina
„Fíknin er okkar stóra leyndarmál. Leyndarmál sem allir þekkja en enginn talar um. Fjölskylduleyndarmál. Og við erum öll ein fjölskylda.“
Þráinn Bertelsson er leikstjóri, rithöfundur, þingmaður – og alkóhólisti. Hann datt í það á fallegu júníkvöldi í Færeyjum. Hann reis upp með góðra manna hjálp og hér segir hann söguna af fallinu og upprisunni. Lesendur fylgja Þráni úr dimmu hótelherbergi í Þórshöfn og fram í dagsljósið á Vogi. Við kynnumst líka tröllinu blíða og handrukkaranum Sigga súperman, Beggu hjúkrunarfræðingi, Bússa ættgöfga, séra Bersa og fleiri samferðamönnum. Alkóhólisminn fer ekki í manngreinarálit og við kynnumst öllum hliðum mannlegrar tilveru.
Fallið er sannarlega einstæð bók: Hlý og nístandi, óendanlega sorgleg og óborganlega fyndin.
Þráinn Bertelsson er hárbeittur húmoristi og einn snjallasti stílisti landsins. Hann er þekktur fyrir harðfylgni, en hér þarf hann að kljást við sinn harðsnúnasta andstæðing. Sjálfan sig.