Höfundur: Kristófer Páll Viðarsson

Feigðarórar er fyrsta bók Kristófers Páls Viðarssonar og sú áttunda í seríu Meðgönguljóða þar sem efnileg skáld eru kynnt til leiks með styttri verkum.

Bókin var prentuð í takmörkuðu upplagi sem telur 200 eintök og er hver bók einstök, sérmerkt og handsaumuð.

Kristófer Páll Viðarsson (f. 1992) ólst upp á Akureyri. Hann lauk stúdentsprófi frá listnámsbraut Verkmenntaskólans á Akureyri og stundar nú nám í listfræði við Háskóla Íslands. Kristófer hefur áður birt ljóð og smásögu í safnritum ungskáldahópsins Fríyrkjunnar, I og II.