Höfundur: Rannveig Lund

Skyndilega kippist höfuðið á henni til.
Hún finnur fyrir nístandi sársauka í hársverðinum.
Mikki hefur kippt harkalega í taglið á henni þegar hann hljóp framhjá. Hún brjálast innan í sér.
Er fljót að hugsa og rekur fótinn í veg fyrir Mikka. Hann skellur á magann.
— Hættu að stríða Önnu, öskrar Sæmi.
Hann setur annan fótinn á bakið á Mikka og heldur honum niðri.
— Skiptu þér ekki af því sem þér kemur ekki við, rauðhausinn þinn.
Þú ert bara skotinn í Önnu, hvæsir Mikki.

Einelti, hefnd og hrifning á hinu kyninu hefur áhrif á hvernig vinunum fimm og félögum þeirra líður. Einnig skilnaðir foreldra og áhrif þeirra á tilfinningalíf krakkanna. Í samtölum krakkanna við þá sem eldri eru skýrist merking hugtaka og orðalags sem algengara er í bókum en töluðu máli.

Þórey Mjallhvít teiknaði myndir.

Markhópur bókarinnar er 9 – 14 ára.