Höfundur: Sólveig Eggerz

Forargata, Reykjavík er skáldsaga eftir Sólveigu Eggerz um lífsbaráttu mæðgna í Reykjavík í seinna stríði. Sigga er kjarkmikil kona sem mátti þola mikið harðræði á uppvaxtarárunum í sveitinni og síðan þrúgandi fátækt í Reykjavík.

Hún sér fjölskyldu sinni farborða í kreppunni og bjargar flóttamönnum sem voru gyðingatrúar frá brottrekstri til Þýskalands Hitlers.

Ekkert verkefni er henni ofviða–þar til um 50.000 hermenn hreiðra um sig á Íslandi í síðari heimsstyrjöldinni. Hvernig getur hún verndað fallegu rauðhærðu dóttur sína fyrir hermönnum og um leið notað hernámið í eigin þágu?