Höfundur: Kirsten Hammann

Þegar sagan hefst býr Mette með Sören. Sören og Mette eru fyrirmyndarpar. Sören er duglegur og Mette hugsar um Sören. En svo fer Sören og Mette situr ein eftir í íbúðinni sinni í Kaupmannahöfn, sínu gósenlandi, og horfir þaðan á heiminn.

Mette er af velmegunarkynslóðinni. Í gósenlandinu eru engin stórfengleg vandamál, en heldur engin dýpri tengsl. Úti í hinum stóra heimi gerast hrikalegir hlutir og Mette vildi svo gjarna vera góð manneskja og breyta heiminum til batnaðar, en það er ekki hlaupið að því. Hinn góði vilji á það til að kafna í makindunum og lætur í minni pokann fyrir sjónvarpsdagskránni.