Þú ert hér://Frönsk svíta

Frönsk svíta

Höfundur: Irène Némirovsky

Frönsk svíta gerist á átakatímum í Frakklandi og lýsir því mikla umróti sem varð eftir innrás Þjóðverja sumarið 1940. Öll þjóðin þarf að kljást við upplausnarástand: Elskhugar láta ástkonur sínar lönd og leið, broddborgarar neyðast til að umgangast lágstéttarfólk, særðir og dauðvona eru skildir eftir á bóndabæjum. Smátt og smátt sölsar óvinaherinn undir sig landið. Hernámið fyllir fólk gremju og margt sem áður kraumaði undir niðri kemur upp á yfirborðið…

Frönsk svíta er mögnuð og ljúfsár lýsing á þróuðu samfélagi í upplausn og og hvernig lágkúra fólks og göfuglyndi afhjúpast við þær aðstæður, óháð stétt og stöðu. Bókin er af mörgum talin meistaraverk enda hefur hún verið þýdd á um fjörtíu tungumál, hefur notið gríðarlegra vinsælda um heim allan og víða orðið metsölubók.

Höfundur bókarinnar, hin franska Irène Némirovsky, hugðist skrifa framhald eftir því hvernig stríðið þróaðist en var sjálf handtekin af nasistum og lést í Auschwitz árið 1942. Handritið að Franskri svítu komst ekki í hendur útgefanda fyrr en rúmum sextíu árum síðar, eða árið 2004. Dætur Irène varðveittu handritið allan þennan tíma en þær björguðu því naumlega á sínum tíma á flótta undan nasistum.

Friðrik Rafnsson þýddi.

Frá 990 kr.

Gerð SíðurÚtgáfuárVerðMagn
Innbundin4092011 Verð 990 kr.
Kilja4092012 Verð 2.375 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / / /

3 umsagnir um Frönsk svíta

  1. Kristrún Heiða Hauksdóttir

    „Þetta er meiriháttar rithöfundur.“
    Egill Helgason / Kiljan

  2. Kristrún Heiða Hauksdóttir

    „Þetta er algjörlega frábær bók, ég eiginlega get ekki mælt nógsamlega með henni … Mjög gleðilegt að hún skuli vera komin út … Ég er full aðdáunar á þessari skáldkonu.“
    Kolbrún Bergþórsdóttir / Kiljan

  3. Kristrún Heiða Hauksdóttir


    „Svítan franska er heillandi saga, hún er hörkuspennandi, samin af mikilli andagift, djúpu innsæi í hug lesanda og þeirra persóna sem þessi glæsilega skáldkona dregur upp ljóslifandi.“
    Páll Baldvin Baldvinsson / Fréttatíminn

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund