Höfundur: Gunnar B. Eydal

Gunnar B. Eydal er Akureyringur. Bræður hans voru hinir landskunnu tónlistarmenn Ingimar og Finnur. Hann var alinn upp undir fána KEA og SÍS en staðnæmdist ekki undir þeim merkjum.

Í árafjöld starfaði Gunnar sem skrifstofustjóri borgarstjórnar í Reykjavík. Skipti þá ekki máli hverjir sátu þar við stjórnvölinn. Er það nokkur mannlýsing. Þessi bók er ekki ævisaga heldur glefsur úr lífi mínu segir höfundur.

Glefsur þessar eru bæði vel skrifaðar, gagnorðar og lifandi segir útgefandinn. Margir karakterar koma við sögu, háir sem lágir, landskunnir sem óþekktir. Og norðlenski húmorinn skín svo alls staðar í gegn!