Höfundur: Kristian Guttesen

Í Glæpaljóðum eftir Kristian Guttesen (JPV 2007) eru 54 ljóð. Höfundurinn er fæddur árið 1974 í Danmörku þar sem hann ólst upp fyrstu ár ævi sinnar. Hann er með próf í hugbúnaðarverkfræði frá Glamorgan-háskólanum í Wales og ritstýrði tímaritinu Eclipse þegar hann var við nám þar. Kristian hefur frá tvítugsaldri birt sögur og ljóð í tímaritum og dagblöðum á Norðurlöndum, sent frá sér eina þýðingu, útvarpsleikrit og nokkrar bækur.

 

„Þar gengur ungur maður ótrúlega nálægt sjálfum sér í opinskáum, í hæsta máta persónulegum ljóðum um jafnerfitt efni í ljóð og fóstureyðingu. Þetta er mergjuð bók og ekki spillir forsíðumyndin sem er af dúkkunum hans Jóhanns Ludwigs Torfasonar.“
Silja Aðalsteinsdóttir / tmm.is