Höfundur: Friðrik Erlingsson

„Ég er stjarna, blikandi stjarna. Ég er ungbarn á grafarbakka og öldungur í vöggu, bæði fiskur á himni og fugl í sjó; ég er stelpa að innan, en strákur að utan, saklaus á líkama, sekur í sálinni.“

Uppvaxtarsaga sem lýsir á hárfínan hátt þeirri baráttu sem fylgir því að komast til þroska; þeim átökum sem það kostar að horfast í augu við sjálfan sig í lífsins ólgusjó. Hér er Sveinn Ólafsson, þrettán ára gamall, í leit að fótfestu, að feta sig áfram á því hengiflugi sem ýmist leiðir að hyldýpinu einu eða lyftir til hæstu hæða.