Söngkonan Helena Eyjólfsdóttir hefur staðið á sviðinu í um sex áratugi og sungið sig inn í hjörtu landsmanna með ógleymanlegum dægurperlum. Hvað þekktust var hún fyrir söng í Atlantic kvartettinum og hljómsveitum Ingimars og Finns Eydal. Hér segir Helena af hreinskilni frá lífi sínu í gleði og sorg; m.a. uppvextinum í Reykjavík , sárum föðurmissi, ákvörðun um að hafna mögulegum frama í útlöndum, fólskulegri árás sem hún varð fyrir í hjarta Akureyrar eitt janúarkvöld og því hlutverki að hjúkra eiginmanninum, Finni Eydal, í langvarandi veikindum hans. Í ólgusjó lífsins hefur tónlistin veitt mikla og ósvikna gleði og eftir öll þessi ár nýtur móðirin, amman og langamman Helena Eyjólfsdóttir þess enn að syngja, sér og öðrum til ánægju.