Á tímum myrkra galdraofsókna vestur á fjörðum fæðist drengurinn Eilífur sem er frábrugðinn flestum. Svartir hamraveggir tala til hans og innra með honum búa kraftar sem hann óttast. Er hann sjálfur galdramaður sem á skilið sömu örlög og það fólk sem hann sér brennt á báli án miskunnar?

En þó hið illa sæki á er ástin nærri. Eilífur hrífst af stúlkunni Margréti og saman takast þau á við atburði sem breyta lífi þeirra. Vályndar návættir sækja að, huldir heimar eru nærri og Eilífs bíða þolraunir þegar hann uppgötvar mátt sinn og uppruna.

Hvað er hjátrú og hvað er sannleikur? Er ekki allt eins líklegt að þjóðsögur og hjátrú feli í sér þekkingu eða innsæi í heima sem áður voru sjálfsagður hluti tilverunnar en hafa verið hraktir á brott í nútímanum?

Í sögunni um Eilíf fléttast sögulegir atburðir og einstaklingar saman við heillandi skáldaðar persónur, þjóðsögur og yfirskilvitlega hluti.