Herbergi
Gerð | Útgáfuár | Síður | Verð | Magn | |
---|---|---|---|---|---|
Kilja | 2012 | 399 | 990 kr. | ||
Rafbók | 2012 | 490 kr. |
Gerð | Útgáfuár | Síður | Verð | Magn | |
---|---|---|---|---|---|
Kilja | 2012 | 399 | 990 kr. | ||
Rafbók | 2012 | 490 kr. |
Um bókina
Ekkert gerir mömmu hrædda. Nema kannski Nick gamli.
Jack er fimm ára og á heima í Herbergi með mömmu sinni; það er hans heimur og þar hefur hann alltaf verið. Á næturnar sefur hann inni í skáp af því að mamma vill ekki að hann hitti Nick gamla sem færir þeim matinn og leggst upp í rúm hjá henni.
Veröldin utan við Herbergi er ókunn, ekki til – en nú er Jack orðinn svo stór að mamma getur treyst á hann; eina von hennar um að koma þeim út er að Jack sé nógu klár til að leika aðalhlutverkið í djarfri flóttaáætlun.
Herbergi eftir Emmu Donoghue er margverðlaunuð metsölubók sem hefur hvarvetna hlotið mikið lof, gríðarlega áhrifarík saga móður sem leggur allt í sölurnar til að barnið hennar komist til þroska við ömurlegar aðstæður, og saga barnsins sem skilur ekki, þekkir ekki, veit ekki … Átakanleg frásögn um grimmd og örvæntingu, en líka ljúfur, fyndinn og ómótstæðilegur vitnisburður um takmarkalausa ást.
Ólöf Eldjárn þýddi.
8 umsagnir um Herbergi
Elín Pálsdóttir –
„Það er fágætt að finna skáldsögu sem hreyfir svo við manni við lesturinn að maður getur ekki hætt að hugsa um hana löngu eftir að henni er lokið.“
SDA / Fréttatíminn
Elín Pálsdóttir –
„Herbergi er skáldsaga sem höfðar til mjög margra og hefur verið vinsæll valkostur í leshópum úti um allan heim, þar sem hún er auðlesin og vekur upp fjölmargar hugleiðingar sem gaman getur verið að ræða að lestri loknum. Samband Jacks og móður hans er bæði fallegt og óþægilegt í senn og því er lýst á áhrifamikinn hátt, frásagnarhátturinn er heillandi … en umfram allt er Herbergi griðarlega spennandi bók sem rígheldur lesandanum allt til enda.“
Ásta Kristín Benediktsdóttir / Spássían.is
Elín Pálsdóttir –
„Snjöll hugmynd hjá höfundinum, metnaðarfull og djörf … Þetta er lunkinn höfundur.“
Sigurður Valgeirsson / Kiljan
Elín Pálsdóttir –
„Þetta er flott hugmynd, flott bók.“
Egill Helgason / Kiljan
Elín Pálsdóttir –
„Með því að láta drenginn segja söguna … tekst henni bæði að gera söguna óhuggulega en líka fallega og það sem er mesta afrekið, fyndna … Mjög eftirminnileg bók. Maður byrjar að lesa og þú hættir ekki.“
Kolbrún Bergþórsdóttir / Kiljan
Elín Pálsdóttir –
„Herbergi er í senn hugljúf og hryllileg saga … Nálgun höfundarins, Emmu Donoghue, er frumleg og það er áhugavert að setja sig spor barnsins og reyna að sjá hlutina frá sjónarhorni.“
Hólmfríður Gísladóttir / Morgunblaðið
Elín Pálsdóttir –
„Undursamleg, skelfileg … Það er til vitnis um ímyndunarafl Donoghue að hún geti látið slíkan hrylling ljóma.“
THE NEW YORKER
Elín Pálsdóttir –
„Ein áhrifaríkasta og djúphugulasta skáldsaga ársins. … Sérkennileg og einföld frásögn sem snertir mann gríðardjúpt.“
WASHINGTON POST BOOK WORLD