Höfundur: Roger Hargreaves

JPV ÚTGÁFA hefur sent frá sér nýjar bækur um hina sívinsælu Herramenn. Nýju bækurnar heita Herra Kjáni og Herra Djarfur.

Bækur um Herramenn komu fyrst út á íslensku fyrir um aldarfjórðungi síðan og nutu gífurlegra vinsælda hjá íslenskum börnum. Þættir byggðir á sögunum voru sýndir í Sjónvarpinu. Einungis hluti bókanna komu út á sínum tíma en JPV útgáfa hefur endurútgefið þær síðustu misseri ásamt þeim bókum sem ekki hafa komið út áður á íslensku. Bækurnar njóta enn gífurlegra vinsælda víða um heim enda má með sanni segja að efni þeirra sé sígilt og þær eigi alltaf erindi við nýja lesendur.