Höfundur: Georges Perec

Hamingjuleit er kjarni þessarar knöppu sögu. Hún gerist í Frakklandi og Norður-Afríku um 1960 og fjallar um daglegt líf hjónaleysa á þrítugsaldri, Jeróme og Sylvíu, sem eru að halda út á lífið, um ást þeirra, vináttu, væntingar og viðleitni þeirra til að höndla hamingjuna. Öruggasta leiðin til að öðlast hamingju er að þeirra dómi sú að safna um sig fallegum hlutum. Það gera þau ýmist í draumi eða veruleika og verða þannig smátt og smátt holdgervingar hins eina og sanna nútímamanns.