Höfundur: Hildur Helgadóttir

JPV útgáfa sendir nú frá sér mjög forvitnilega bók eftir Hildi Helgadóttur þar sem hún segir frá því þegar hún fór til Bosníu á vegum íslenska utanríkisráðuneytisins og var send í þjálfun hjá breska hernum. Hún veltir upp áleitnum spurningum um þátttöku Íslands í friðargæsluverkefnum en sýnir jafnframt broslegar hliðar herlífsins og gerir óspart grín að sjálfri sér í framandi og stundum ógnandi aðstæðum. Í herbúðunum komst hún svo í kynni við myndarlegan foringja og með þeim tókst kunningsskapur sem kryddaði tilveruna.

[domar]

... læsileg og skemmtileg innsýn í hernaðarheim
sem flestum Íslendingum er framandi ... persónurnar lifna við á síðunum og Hildi tekst vel að draga fram það
spaugilega í oft erfiðum kringumstæðum ... vekur lesandann til umhugsunar, hún sýnir umhverfi sínu og
samferðafólki einlægan áhuga og reynir að leggja sitt af mörkum þótt
reglurnar séu gjarnan framandi. Reynslu hennar má auðveldlega setja í
samhengi við eina algengustu spurninguna sem heyrist þegar framlag
Íslands til friðargæsluverkefna er rætt, hvort senda eigi Íslendinga,
sem eru ókunnugir öllum reglunum og aganum sem herlífinu fylgir, í
verkefni á vegum erlendra herja.

Silja Bára Ómarsdóttir / Af stjornmalogstjornsysla.is



Í felulitum er vel skrifuð og á köflum mjög skemmtilega stíluð frásögn, blátt áfram og tilgerðarlaus.
Jón Ólafsson / Morgunblaðið



Skemmtileg frásögn íslensks hjúkrunarfræðings sem sendur var til Bosníu í þjálfun hjá breska hernum.
Nýtt líf

 

Býsna krítísk bók ... persónuleg.
Jón Yngvi Jóhannsson / Ísland í dag / Stöð 2

[domar]