Þú ert hér://Í húsi Júlíu

Í húsi Júlíu

Höfundur: Fríða Á. Sigurðardóttir

Í húsi Júlíu (2006) segir frá tveimur systrum og stormasömum samskiptum þeirra. Þegar Lena kemur heim öllum að óvörum eftir áratuga langa dvöl í útlöndum og sest að í húsi Júlíu fara þau hjól að snúast sem bjóða hættunni heim.

Viðfangsefnin í þessari skáldsögu Fríðu Á. Sigurðardóttur eru mörg og áleitin og á sinn einstaka hátt vefur Fríða saman alla þræði svo að úr verður áhrifamikil og mögnuð samtímasaga. Í húsi Júlíu er einstaklega vel skrifuð, fyndin og fáguð og í henni kveður við nýjan tón í íslenskri bókmenntaflóru. En umfram allt er hér tekið á málum sem brenna á nútímakonunni: Hvers vegna fórna konur sér iðulega fyrir aðra?

Fríða Á. Sigurðardóttir er einn virtasti rithöfundur þjóðarinnar. Hún hefur sent frá sér smásögur, skáldsögur og þýðingar. Skáldsaga hennar Meðan nóttin líður (1990) hlaut Íslensku bókmenntaverðlaunin, Menningarverðlaun DV í bókmenntum og Bókmenntaverðlaun Norðurlandaráðs 1992 og hefur verið þýdd og gefin út víða erlendis.

„Bókin er að mínu mati margslungin saga sem krefst endurlesturs sem ég tel jafnframt vera einn af helstu kostum góðra bókmennta ... og ættu aðdáendur Fríðu, sem aðrir, ekki að verða fyrir vonbrigðum með þetta verk sem er afar vel upp byggt og vekur upp spurningar löngu eftir að lestri lýkur.“

Elísa Jóhannsdóttir / kistan.is

 

„[Fríða] staðfestir að ein skáldsaga getur, þegar vel tekst til, orðið skuggsjá raunverulegrar lífskönnunar sem nær jafnt til hugarlífs einstaklinga og umrótsins í samfélaginu ... Lesandi verður virkur þátttakandi í ferðalagi sem liggur meðal annars um eyður milli tímabila og persóna. Einn lestur dugar ekki; þetta er saga sem þarf að lesa aftur. En það gildir um allar bækur sem skipta máli.“

Ástráður Eysteinsson / Morgunblaðið

„... margvíð sagnaheild ...“

Þorgerður E. Sigurðardóttir / bokmenntir.is

 


Verð 2.065 kr.

Gerð SíðurÚtgáfuárVerðMagn
Innbundin - 2006 Verð 2.065 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: /

Eftir sama höfund